विधायन व्यवस्थापन समिति - बैठक ५/३३(७८२)

यस समितिको बैठक देहायको कार्यसूचीमा छलफल गर्न समितिका माननीय सभापति कृष्ण बहादुर रोकायको सभापतित्वमा बस्यो। बैठकमा माननीय सदस्यहरू, संशोधन प्रस्तावकर्ता माननीय सदस्यहरू र सम्बद्ध मन्त्रालयका पदाधिकारी तथा कर्मचारीको उपस्थिति र निर्णय देहाय बमोजिम रहेको छ:

१. आन्तरिक वायुसेवाको दायित्व सम्बन्धी विधेयक, २०८३ को मसौदा प्रतिवेदन माथि छलफल सम्बन्धमा,

२. विविध।

१. आज समितिका माननीय सभापति कृष्ण बहादुर रोकायको सभापतित्वमा बसेको समितिको बैठकमा आन्तरिक वायुसेवाको दायित्व सम्बन्धी विधेयक, २०८३ को मसौदा प्रतिवेदन माथि छलफल सम्पन्न भयो।

बैठकमा माननीय सदस्यहरू, संशोधन प्रस्तावकर्ता माननीय सदस्यहरू, संस्कृति, पर्यटन तथा नागरिक उड्डयन मन्त्रालयका सचिव लगायत सम्बद्ध कर्मचारीहरू र कानून, न्याय तथा संसदीय मामिला मन्त्रालयका सम्बद्ध कर्मचारीहरू लगायतको उपस्थितिमा भएको छलफलमा सहभागीहरूले आआफ्नो धारणा राख्नु भयो।

२. “आन्तरिक वायुसेवाको दायित्व सम्बन्धी विधेयक, २०८३” को मसौदा प्रतिवेदन परिमार्जन सहित पारित गर्ने र पारित प्रतिवेदन राष्ट्रिय सभाको २०८३ असोज १५ गतेको बैठकमा पेस गर्ने निर्णय भयो ।

तदनन्तर समितिको आगामी बैठक अर्को सूचना बमोजिम बस्ने गरी आजको बैठक सम्पन्न भयो।