कानुन, न्याय तथा मानव अधिकार समिति - बैठक १८

कार्यक्रमः-

मितिः २०८३/0७/१८ गते, बुधबार,

समयः दिनको १२:00 बजे,

स्थानः समितिको सभाकक्ष (काठघर न. २), सङ्‌घीय संसद् सचिवालय, सिंहदरबार, काठमाडौँ।

1. मेलमिलाप सम्बन्धी (दोस्रो संशोधन) विधेयक, २०८३ उपर सम्बन्धित सरोकारवालासँग छलफल सम्बन्धमा,
2. विविध सम्बन्धमा।

छलफल:

1. समितिको आजको बैठकमा कार्यसूचीको बुँदा नं १ मा रहेको मेलमिलाप सम्बन्धी (दोस्रो संशोधन) विधेयक, २०८३ उपर सम्बन्धित सरोकारवालासँग छलफल भयो। प्रारम्भमा सर्वोच्च अदालतका मुख्य रजिष्ट्रार बिमल पौडेल र रजिष्ट्रार बाबुराम दाहालले विधेयकको सम्बन्धमा भनाई प्रस्तुत गर्नुभयो। तत्‌पश्चात्, महान्यायाधिवक्ताको कार्यालयका नायव महान्यायाधिवक्ता उद्धव प्रसाद पुडासैनीले विधेयकको सम्बन्धमा भनाई व्यक्त गर्नुभयो। तत्‌पश्चात्, माननीय कानुन, न्याय तथा संसदीय मामिला मन्त्री सोविता गौतमले नेपाल सरकारको तर्फबाट प्रष्ट पार्नुभयो। महान्यायाधिवक्ताको कार्यालयका नायव महान्यायाधिवक्ता धुव्र कुमार चौहानले विधेयकको सम्बन्धमा धारणा प्रस्तुत गर्नुभयो। तत्‌पश्चात्, जिल्ला सरकारी वकिल कार्यालय, काठमाडौँका कार्यालय प्रमुख सन्तोष शर्माले धारणा राख्नुभयो। त्यसपछि, माननीय सदस्यहरू सुलभ खरेल, बलावती शर्मा, साजिदा खातुन सिद्धिकी र सरस्वती लामाले जिज्ञासा राख्नुभयो। माननीय सदस्यहरूले उठाउनु भएका जिज्ञासामाथि सर्वोच्च अदालतका मुख्य रजिष्ट्रार बिमल पौडेलले सम्बोधन गर्नुभयो। तत्‌पश्चात्, कानुन, न्याय तथा संसदीय मामिला मन्त्रालयका सचिव पाराश्वर ढुङ्‌गानाले थप प्रष्ट पार्नुभयो।
2. कार्यसूचीको बुदाँ नं २ विविध अन्तर्गत साजिदा खातुन सिद्धिकीले शान्ति र सुशासन, नीनु कुमारी कर्णले सामाजिक सञ्जाल, सुलभ खरेलले न्यायालयसम्बन्धी समसामयिक विषय, बलावती शर्माले सरकारको पछिल्लो कामकारबाही र कन्हैया बनियाले व्यक्ति हत्या सम्बन्धी विषय उठाउनु भयो।

बैठक समापन :-

1. समितिको आगामी बैठक संवत् २०८३ कार्तिक १९ गते बिहीबार मध्यान्ह १२:०० बजे हुने जानकारीकासाथ माननीय सभापतिले आजको बैठक अन्त्य गर्नुभयो।