कृषि तथा प्राकृतिक स्रोत समिति - बैठक ६

सङ्घीय संसद्, प्रतिनिधि सभा अन्तर्गत गठित कृषि तथा प्राकृतिक स्रोत समितिको सभापति मा. अशोक कुमार चौधरी को अध्यक्षतामा बसेको बैठकमा निम्नानुसारको उपस्थिति भई देहाय बमोजिमको निर्णय भयो।

१) किसानहरूले बाली लगाउने मौसम सुरु हुनै लागेको अवस्थामा रासायनिक मलको सहज एवं सुलभ आपूर्ति, मौज्दातको वर्तमान अवस्था, वितरण प्रणालीलगायतका विविध पक्षहरुमा कृषि सामग्री कम्पनी लिमिटेड र साल्ट ट्रेडिङ कर्पोरेशन लिमिटेडका पदाधिकारीहरूसँग विस्तृत छलफल,

२) विविध।

छलफल:

कृषि, सहकारी तथा प्राकृतिक स्रोत समितिको आजको बैठक समितिको सभापति मा. अशोक कुमार चौधरीको अध्यक्षतामा बस्यो। बैठकमा किसानहरूले बाली लगाउने मौसम सुरु हुनै लागेको अवस्थामा रासायनिक मलको सहज एवं सुलभ आपूर्ति, मौज्दातको वर्तमान अवस्था, वितरण प्रणालीलगायतका विविध पक्षहरुमा कृषि, वन तथा पर्यावरण मन्त्रालयका सचिव डा. राजेन्द्र प्रसाद मिश्र, कृषि सामग्री कम्पनी लिमिटेडका प्रबन्ध संचालक विष्णु प्रसाद पोखरेल र साल्ट ट्रेडिङ कर्पोरेशन लिमिटेडका ना. प्र. का. अधिकृत श्री कुमार राजभण्डारीसँग विस्तृत छलफल भयो। उक्त बैठकमा कृषि सामग्री कम्पनी लिमिटेड र साल्ट ट्रेडिङ कर्पोरेशन लिमिटेडका प्रस्तुतिपश्चात् देहायबमोजिमका माननीय सदस्यहरुले आफ्नो धारणा राख्नुभयो:

1. मा. ज्ञानेन्द्र सिंह महता
2. मा. लक्ष्मी प्रसाद पोखरेल
3. मा. राजिव खत्री
4. मा. पूनम कुमारी अग्रवाल
5. मा. सुजाता तामाङ
6. मा. संतोष सुब्वा
7. मा. के.पी. खनाल
8. मा. सागर ढकाल
9. मा. वसु माया तामाङ
10. मा. प्रेम बहादुर बयक

निर्णय:

छलफलमा समितिका माननीय सदस्यहरूले उठान गर्नुभएका मुख्य मुख्य विषयहरूका आधारमा देहायबमोजिमको निर्णय गरियो:

1. मल आपूर्तिका समस्याहरू समाधान गर्न, अध्ययन गर्न र बजारको अनुगमन गर्न "मल आपूर्ति सहजीकरण, अध्ययन तथा अनुगमन उपसमिति" गठन गरियो।