कृषि तथा प्राकृतिक स्रोत समिति - बैठक १५

सङ्घीय संसद्, प्रतिनिधि सभा अन्तर्गत गठित कृषि तथा प्राकृतिक स्रोत समितिको सभापति मा. अशोक कुमार चौधरी को अध्यक्षतामा बसेको बैठकमा निम्नानुसारको उपस्थिति भई देहाय बमोजिमको निर्णय भयो।

1. नार्क अन्तर्गतका क्षेत्रीय कार्यालय तथा अनुसन्धान केन्द्रहरूको स्थलगत अनुगमनबाट पहिचान भएका समस्या तथा चुनौती, प्राप्त निष्कर्ष एवं कृषि अनुसन्धान प्रणाली सुदृढीकरणका उपायका सम्बन्धमा छलफल,
2. विविध।

छलफलतथा निर्णय:

कृषि तथा प्राकृतिक स्रोत समितिको आजको बैठक समितिको सभापति मा. अशोक कुमार चौधरीको अध्यक्षतामा बस्यो। बैठकमा नेपाल कृषि अनुसन्धान परिषद् अन्तर्गतका क्षेत्रीय कार्यालय तथा अनुसन्धान केन्द्रहरूको स्थलगत अनुगमनबाट पहिचान भएका समस्या तथा चुनौती, प्राप्त निष्कर्ष एवं कृषि अनुसन्धान प्रणाली सुदृढीकरणका उपायका सम्बन्धमा केन्द्रित भई नेपाल कृषि अनुसन्धान परिषद्का कार्यकारी निर्देशक डा. श्रीमत श्रेष्ठ, कृषि अनुसन्धान निर्देशनालय, कोशी प्रदेश, तरहराका निर्देशक डा. राजेन्द्र दराई, राष्ट्रिय सुन्तलाजात अनुसन्धान कार्यक्रम, परिपात्ले, धनकुटाका संयोजक डा. वसन्त चालिसेले आ-आफ्ना प्रस्तुतीकरण दिनुभयो। यसै क्रममा जुटबाली अनुसन्धान कार्यक्रम, इटहरी, सुनसरीका प्रतिनिधि डा. सन्तोषराज त्रिपाठी, कृषि अनुसन्धान निर्देशनालय, लुम्बिनी प्रदेश, खजुरा बाँकेका प्रतिनिधि डा. वन्धुराज बराल, कृषि अनुसन्धान निर्देशनालय, सुदूरपश्चिम प्रदेश, दिपायल, डोटीका निर्देशक श्री दिपक पाण्डे, राष्ट्रिय गहुँबाली अनुसन्धान कार्यक्रम, भैरहवा, रुपन्देहीका संयोजक डा. रोशन बस्नेत, कृषि अनुसन्धान केन्द्र, पाख्रीबास, धनकुटाका प्रतिनिधि श्री प्रेनिल केसीले आफ्ना धारणा राख्नुभयो। त्यसपश्चात् देहायबमोजिमका माननीय सदस्यहरुले आफ्ना धारणा राख्नुभयो:

निर्णय

समितिमा भएको छलफल तथा आमन्त्रित पदाधिकारीहरुबाट उठान भएका विषयहरुलाई मध्यनजर गरी देहायबमोजिमको निर्णय गरियो:

1. कृषि अनुसन्धान प्रणाली सुदृढीकरण तथा नीतिगत सुधार उपसमितिको अध्ययनलाई समयबद्ध, तथ्यमा आधारित र परिणाममुखी बनाउन विज्ञ सेवा प्राप्त गर्ने।
2. कृषि, वन तथा पर्यावरण मन्त्रालयलाई देहाय बमोजिम सुझाव दिने निर्णय गरियो:
   1. नेपाल कृषि अनुसन्धान परिषद् (नार्क) को विद्यमान संस्थागत संरचना, कार्यक्षेत्र, अनुसन्धान क्षमता, जनशक्ति, भौतिक पूर्वाधार तथा स्रोत परिचालनको समग्र समीक्षा गरी नार्कको पुनर्संरचनाको स्पष्ट खाकासहित नेपाल कृषि अनुसन्धान परिषद् ऐन संशोधन विधेयक तर्जुमा गर्न,
   2. स्थानीय तह तथा प्रदेश विशेषको आवश्यकता र सम्भावनाका आधारमा कृषि अनुसन्धानका प्राथमिकता निर्धारण गरी अनुसन्धान कार्यक्रम सञ्चालन गर्ने व्यवस्था मिलाउन,
   3. नार्कको अनुसन्धानबाट प्राप्त नतिजा तथा प्रविधिलाई परीक्षण, प्रदर्शन तथा कृषि प्रसार सेवामार्फत किसानसम्म प्रभावकारी रूपमा पुर्‍याउने स्पष्ट कार्यविधि र कार्ययोजना तयार गरी कार्यान्वयन गर्न/गराउन।