पूर्वाधार विकास समिति - बैठक १०

यस समितिको बैठक समितिका सभापति माननीय आशिष गजुरेलको सभापतित्वमा बस्यो। बैठकको कार्यसूची, उपस्थिति र निर्णय देहfयबमोजिम रहेको छः-

१. अधिकार सम्पन्न बागमती सभ्यता एकीकृत विकास समिति अन्तर्गतको बागमती ब्यूटिफिकेशन आयोजना सम्बन्धमा,

२. विविध।

निर्णय/निर्देशनः

समितिको आज बसेको बैठकमा पूर्वाधार विकास मन्त्रालय र अधिकार सम्पन्न बागमती सभ्यता एकीकृत विकास समितिसँग बागमती ब्यूटिफिकेशन आयोजना सम्बन्धमा छलफल भई देहायबमोजिमको निर्णय भयो ।

1. “स्वच्छ बागमती” लाई पहिलो प्राथमिकता दिई नदीमा हुने सम्पूर्ण प्रत्यक्ष ढल तथा फोहोर पानीको विसर्जन तत्काल नियन्त्रण गर्ने।
2. बागमती नदीको अधिकार क्षेत्र (River Right/Right of Way) स्पष्ट निर्धारण गरी अतिक्रमण नियन्त्रण, नदी क्षेत्र संरक्षण र बाढी जोखिम व्यवस्थापनलाई एकीकृत रूपमा अघि बढाउने।
3. ब्यूटिफिकेशनलाई कंक्रिट संरचना निर्माणमा सीमित नराखी हरित, खुला, पैदलमैत्री र नागरिककेन्द्रित नदी करिडोरका रूपमा विकास गर्ने।
4. बागमतीको वातावरणीय पुनर्जीवनलाई यसको धार्मिक, सांस्कृतिक, ऐतिहासिक तथा पर्यटन सम्पदासँग एकीकृत गरी Heritage River Corridor का रूपमा विकास गर्ने।
5. आयोजनाको दीर्घकालीन सफलता सुनिश्चित गर्न एकीकृत संस्थागत संयन्त्र, स्पष्ट जिम्मेवारी, नियमित अनुगमन र सार्वजनिक जवाफदेहिताको व्यवस्था गर्ने।
6. "स्वच्छ बागमती" बनाउने कार्यक्रमको लागि पर्याप्त बजेट विनियोजन गर्न पूर्वाधार विकास मन्त्रालयलाई निर्देशन दिने ।
7. अधिकार सम्पन्न बागमती सभ्यता एकीकृत विकास समितिको आवश्यकताअनुसार अरू कुनै सम्बद्ध निकायसँग मर्ज गर्नुपर्ने हो की ? अथवा ऐनमार्फत प्रभावकारी, सशक्त,दिगो र बलियो संस्था बनाउने कार्य यथाशीघ्र अगाडि बढाउन पूर्वाधार विकास मन्त्राललाई निर्देशन दिने ।
8. समितिको मितिः २०८३/०५/०५ गते बिहान १० बजे बस्ने निर्धारित बैठक अब मितिः २०८३/०५/०८ गते, सोमवार बिहान १० बजे बस्ने ।