पूर्वाधार विकास समिति - बैठक ११

यस समितिको बैठक समितिका सभापति माननीय आशिष गजुरेलको सभापतित्वमा बस्यो। बैठकको कार्यसूची, उपस्थिति र निर्णय देहfयबमोजिम रहेको छः-

१. पूर्वाधार विकास र सार्वजनिक निजी साझेदारी,

२. विविध।

समितिको आजको बैठकमा नेपालको पूर्वाधार विकासमा सार्वजनिक–निजी साझेदारी (PPP) को वर्तमान अवस्था, सम्भावना, लगानी प्रवर्द्धन तथा आयोजना कार्यान्वयनमा देखिएका समस्या र समाधानका उपायका सम्बन्धमा विस्तृत छलफल भई देहायबमोजिमको निर्णय भयो ।

1. निजी क्षेत्रले विद्यमान ऐन, कानून तथा प्रक्रियाका कारण भोग्नुपरेका समस्या र सरकारबाट अपेक्षित सहजीकरणका क्षेत्रहरू, विशेषतः One Window Policy, ब्युरोक्रेटिक झन्झट न्यूनीकरण गर्ने, लगानी भित्र्याउने, लगानी तथा मुनाफा फिर्ता लैजाने र पुनर्लगानी गर्ने सहज वातावरण बनाउने विषयमा नेपाल उद्योग वाणिज्य महासंघ, नेपाल चेम्बर अफ कमर्स, नेपाल उद्योग परिसंघ र नेपाल–इन्डिया चेम्बर अफ कमर्स एण्ड इन्डस्ट्रीबाट १५ दिनभित्र लिखित धारणा तथा सुझाव माग गर्ने।
2. लगानी बोर्डबाट PPP अन्तर्गत सहजीकरण तथा स्वीकृत भएका जलविद्युत र फोहरमैला व्यवस्थापन सम्बन्धी आयोजना/परियोजनाहरूको वर्तमान अवस्था, आयोजनाहरूको डेलिभरीमा के के समस्याहरू छन् र ती समस्याहरू समाधान गर्न समितिले के पहल गरिदिनुपर्ने हो ? सोको विवरण १५ दिनभित्र समितिसमक्ष पेश गर्ने।
3. लगानी बोर्डसम्बन्धी ऐन तथा सो सम्बन्धी कानुनी व्यवस्थामा गर्नुपर्ने सुधार तथा बोर्डको भूमिका कस्तो रहने (लगानीको सहजीकरण, समन्वय वा अनुमतिपत्र प्रदान गर्ने) सम्बन्धमा स्पष्ट सुझाव समिति समक्ष १५ दिनभित्र पेश गर्ने।
4. समितिको अर्को बैठक मितिः२०८३ साल भदौ ११ गते विहान १० बजे बस्ने ।