राज्य व्यवस्था तथा सुशासन समिति - बैठक ०५

बैठकको मिति, समय र स्थान

मितिः २०८३ असोज १७, शनिबार

समयः दिनको ०१:०० बजे

स्थानः राज्य व्यवस्था तथा सुशासन समितिको सभाकक्ष, सिंहदरबार

कार्यसूचीः

1. समितिमा प्राप्त उजुरीहरूको अध्ययन तथा छलफल सम्बन्धमा।
2. विविध।

संघीय संसद

प्रतिनिधि सभा

राज्य व्यवस्था तथा सुशासन समिति

उजुरी अध्ययन तथा सुझाव सिफारिस उपसमिति

मितिः २०८३/०६/०२

बैठक सङ्‍ख्या- ४

छलफल

समिति सचिवले समिति अन्तर्गत गठित अघिल्लो उजुरी अध्ययन तथा सुझाव सिफारिस उपसमितिबाट सम्पन्न काम कारवाही र समितिमा दर्ता भएका उजुरीहरुको संक्षिप्त जानकारी गराउनु भयो।

निर्णय:

१. समितिमा २०८३ सालमा परेका गुनासा तथा उजुरीहरूको दर्ताक्रम र विषयको गाम्भीर्यताको आधारमा गुनासा तथा उजुरीहरूको अध्ययन तथा विश्‍लेषण गर्ने।

२. भीमसेन मैनाली उजुरीकर्ता रहेको प्राकृतिक स्रोत तथा वित्त आयोगसँग सम्बन्धित उजुरीको सन्दर्भमा niti FOUNDATION ले Louis Berger Group, INC (WSP) (जसको प्रमुख दातृ संस्था USAID रहेको ) सँग USAID Public Financial Management Strengthening (PFMSP) नामक परियोजना मिति २०७७ बैशाख १९ देखि २०७७ चैत्र २ (May 1, 2020 to March 15, 2021) सम्म अवधिको लागि सञ्चालन गर्ने सन्दर्भमा अर्थ मन्त्रालय र महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयमा उल्लिखित परियोजनासगँ सम्बन्धित कुनै प्रस्ताव सम्झौता वा कागजात पेश गरे नगरेको खुलाई पठाउन र पेश गरेको भए सो को प्रतिलिपी ५ दिन भित्र उपलब्ध गराउन पत्राचार गर्ने।