संसदीय सुनुवाइ समिति (संयुक्त) - बैठक २३

समितिको आजको बैठक समितिका सभापति माननीय बोध नारायण श्रेष्ठको सभापतित्वमा बस्यो। बैठकमा माननीय सदस्यहरुको उपस्थिति र निर्णय देहाय बमोजिम रहेको छ ।

विभिन्न १३ वटा मित्रराष्ट्रहरूका लागि नेपाली राजदूत पदमा नियुक्तिका लागि प्रस्तावित व्यक्तिहरूको प्रस्तावित पदमा नियुक्तिको उपयुक्तता तथा अनुपयुक्तता सम्बन्धमा निर्णय गरी सम्बन्धित निकायमा सिफारिस गर्ने ।

१) नेपाल सरकार (मन्त्रिपरिषद्) को 208३ असोज २ गतेको निर्णयानुसार गणतन्त्र भारतका लागि नेपाली राजदूत पदमा डा. निश्‍चल नाथ पाण्‍डे, काठमाडौँ, जनवादी गणतन्त्र चीनका लागि नेपाली राजदूत पदमा श्री कल्याण राज शर्मा, काठमाडौँ, संयुक्त राज्य अमेरिकाका लागि नेपाली राजदूत पदमा श्री चिरन जङ्ग थापा, ललितपुर, संयुक्त अधिराज्यका लागि नेपाली राजदूत पदमा श्री गौरब शमशेर ज.ब.रा., काठमाडौँ, सङ्‌घीय गणतन्त्र जर्मनीका लागि नेपाली राजदूत पदमा श्री सरू जोशी, काठमाडौँ, इजरायलका लागि नेपाली राजदूत पदमा श्री सुरेश कुमार कर्ण, कैलाली, जापानका लागि नेपाली राजदूत पदमा श्री जीज्ञान कुमार थापा, ललितपुर, साउदी अरब अधिराज्यका लागि नेपाली राजदूत पदमा श्री गिरी बहादुर सुनार, बाग्लुङ्ग, ओमानका लागि नेपाली राजदूत पदमा श्री पदमाक्षी राणा, काठमाडौँ, गणतन्त्र कोरियाका लागि नेपाली राजदूत पदमा प्रा. डा. संगम श्रेष्‍ठ, तनहुँ, मलेसियाका लागि नेपाली राजदूत पदमा श्री चुडामणी खरेल, झापा, स्पेन अधिराज्यका लागि नेपाली राजदूत पदमा श्री प्राप्‍ती शेरचन, काठमाडौँ र लोकतान्त्रिक समाजवादी गणतन्त्र श्रीलंकाका लागि नेपाली राजदूत पदमा डा. मंचला कुमारी झा, सप्‍तरीलाई नियुक्तिका लागि प्रस्ताव गरी नेपालको संविधानको धारा २९२ को उपधारा (1) बमोजिम संसदीय सुनुवाइका लागि समितिमा नाम प्राप्‍त भएकोमा सङ्‍घीय संसद्को संयुक्त बैठक र संयुक्त समिति (कार्य सञ्‍चालन) नियमावली, 2080 तथा संसदीय सुनुवाइ समितिको कार्यविधि, 2083 बमोजिम समितिले सुनुवाइ गर्दा योग्यता, क्षमता, अनुभवसमेतका आधारमा प्रस्तावित पदहरूका लागि देहायका प्रस्तावित व्यक्तिहरू उपयुक्त देखिनुभएको हुँदा सोही नियमावलीको नियम २६ को उपनियम (5) बमोजिम देहायबमोजिम नियुक्तिका लागि सर्वसम्मतिले अनुमोदन गर्ने।”

२) सङ्‍घीय संसद्को संयुक्त बैठक र संयुक्त समिति (कार्य सञ्‍चालन) नियमावली, 2080 तथा संसदीय सुनुवाइ समितिको कार्यविधि, 2083 बमोजिम समितिले सुनुवाइ गर्दा योग्यता, क्षमता, अनुभवसमेतका आधारमा प्रस्तावित पदहरूका लागि देहायका प्रस्तावित व्यक्तिहरू उपयुक्त नदेखिनुभएको हुँदा सोही नियमावलीको नियम २६ को उपनियम (5) बमोजिम देहायबमोजिमका प्रस्तावितलाई सर्वसम्मतिले अस्वीकृत गर्ने।”

३) जापानका लागि नेपाली राजदूत पदमा नियुक्तिका लागि प्रस्तावित श्री जीज्ञान कुमार थापा, ललितपुरका सम्बन्धमा थप बुझ्नका लागि माग गरिएको पत्र प्राप्‍त हुन बाँकी भएकाले आगामी बैठकमा थप छलफल गरी निर्णय गर्ने ।